გაუქმება და თანხის დაბრუნება

1. როგორ გააუქმოთ

გახსენით გეგმები და დააჭირეთ „გაუქმება". გაუქმება მოქმედებს დაუყოვნებლივ — ეს ნიშნავს, რომ:

• მომდევნო ავტომატური ჩამოჭრა აღარ მოხდება;
• წვდომა რჩება უკვე გადახდილი პერიოდის ბოლო დღემდე;
• პერიოდის დასრულების შემდეგ ანგარიში ავტომატურად გადადის უფასო გეგმაზე.

ანგარიში და მასში დაგროვილი ისტორია — შესრულებული ტესტები, შედეგები და სტატისტიკა — რჩება.

2. რატომ არ ბრუნდება გამოუყენებელი პერიოდის თანხა

მომსახურება ციფრულია და სრულად ხელმისაწვდომი ხდება გადახდისთანავე: შეძენისთანავე იხსნება დავალებები, ახსნები და ანალიზი. ამიტომ სეზონური ან ყოველთვიური გეგმის შუა პერიოდში გაუქმებისას გამოუყენებელი დღეების პროპორციული თანხა არ ბრუნდება.

სწორედ ამიტომ არსებობს უფასო გეგმა — გირჩევთ, ჯერ ის სცადოთ და მხოლოდ შემდეგ შეიძინოთ ფასიანი.

3. როდის ვაბრუნებთ თანხას

თანხა სრულად ბრუნდება, თუ:

• ორმაგი ჩამოჭრა. ერთი და იმავე გეგმისთვის თანხა ჩამოიჭრა ორჯერ — ვაბრუნებთ ზედმეტად ჩამოჭრილს.
• ჩამოჭრა გაუქმების შემდეგ. ავტომატური განახლება მოხდა მას შემდეგ, რაც გეგმა გააუქმეთ.
• გადახდა შედგა, წვდომა არა. თანხა ჩამოიჭრა, მაგრამ ფასიანი წვდომა არ გააქტიურდა და ჩვენ ვერ გამოვასწორეთ.
• ხანგრძლივი შეფერხება. პლატფორმა ჩვენი ბრალით მიუწვდომელი იყო გადახდილი პერიოდის მნიშვნელოვანი ნაწილის განმავლობაში — ვაბრუნებთ შეფერხების დღეების პროპორციულ თანხას.

4. როგორ მოვითხოვოთ

მოგვწერეთ maswavleme@gmail.com-ზე გადახდიდან 30 დღის განმავლობაში. მიუთითეთ ანგარიშის ელფოსტა, გადახდის თარიღი და თანხა. პასუხს გაძლევთ 5 სამუშაო დღეში; დადასტურების შემთხვევაში თანხა ბრუნდება იმავე ბარათზე, რომლითაც გადაიხადეთ, 10 სამუშაო დღეში (ბანკს შეიძლება დამატებითი დრო დასჭირდეს).

5. თუ არ დაგვეთანხმებით

თუ მიღებულ გადაწყვეტილებას არ ეთანხმებით, შეგიძლიათ მიმართოთ თქვენს ბანკს ან საქართველოს კანონმდებლობით გათვალისწინებულ სამომხმარებლო დავების განმხილველ ორგანოს.